2026 yildan yoqilg‘i uchun faqat elektron to‘lov
2026 yil 1-apreldan boshlab O‘zbekistonda benzin va metan uchun naqd pulda to‘lov qilish to‘liq bekor qilinishi rejalashtirilmoqda. Bu haqda Zamin.uz xabar berdi.
Endilikda avtomobil yoqilg‘isi, elektromobillarni quvvatlash, shuningdek, elektr, gaz va suv xizmatlari uchun to‘lovlar faqat bank kartalari yoki elektron to‘lov tizimlari orqali amalga oshiriladi. Naqd pul orqali to‘lov qilish esa taqiqlanadi.
Mazkur o‘zgarishning asosiy maqsadi fuqarolar uchun qulay va zamonaviy to‘lov tizimini joriy etishdan iborat. Shu bilan birga, moliyaviy operatsiyalarni shaffof va xavfsiz qilish ham ko‘zda tutilgan.
Ushbu yangilik xalqaro tajribaga mos bo‘lib, iqtisodiyotning raqamlashtirilishini jadallashtirishga xizmat qiladi. Hozirgi vaqtda tegishli xizmatlar va avtomobil yoqilg‘isi quyish shoxobchalari (AYOQSH) yangi tizimga o‘tish uchun zaruriy tayyorgarlik ishlarini olib bormoqda.
Ushbu chora-tadbirlar amalga oshishi bilan to‘lov jarayonlari yanada tezkor va qulay bo‘lishi kutilmoqda. Ma’lumot one.uz saytidan olindi.
