Go‘sht narxlari yana oshdi: sabablar va oqibatlar

O‘zbekistonda mol va qo‘y go‘shti narxlari yana oshishda davom etmoqda. Bu haqda Zamin.uz xabar berdi.

O‘tgan yil davomida go‘sht narxining keskin qimmatlashuvi aholining kundalik xarajatlariga sezilarli darajada ta’sir ko‘rsatdi. Yangi yil boshida esa go‘sht narxlarida arzonlashuv alomatlari kuzatilmadi.

Mutaxassislarning fikricha, 2025 yilda go‘sht narxining o‘sish sur’ati umumiy inflyatsiyadan bir necha barobar yuqori bo‘lgan. Shu bilan birga, mahalliy go‘sht ishlab chiqarish hajmi pasaygan, import hajmi esa ortgan.

Bu omillar bozorda narxlarga qo‘shimcha bosim o‘tkazmoqda. 2026 yilning yanvar oyida ham go‘sht narxlari oshishda davom etdi.

Xususan, Toshkent shahridagi yirik bozorlarda mol va qo‘y go‘shti narxlari yana ko‘tarilgani kuzatildi. Ayniqsa, qo‘y go‘shti narxining o‘sishi sezilarli darajada bo‘ldi.

Ekspertlarning ta’kidlashicha, agar ichki bozorda ishlab chiqarish hajmlari oshirilmasa va talab bilan taklif o‘rtasidagi muvozanat ta’minlanmasa, go‘sht narxlaridagi bosim yaqin oylarda ham davom etishi mumkin. Manba: One.uz.