Dorilar narxi 2026 yilda 40–60 foizga arzonlashadi
O‘zbekistonda 2026 yilning 1 martidan boshlab, dori vositalari narxlari aholi uchun 40–60 foizga arzonlashadi. Bu haqda Zamin.uz xabar berdi.
Bu haqida Farmatsevtika tarmog‘ini rivojlantirish agentligi vakillari rasmiy bayonot berdi. Ma’lum qilinishicha, narxlarning tushirilishiga bir nechta muhim omillar ta’sir ko‘rsatgan.
Jumladan, 2 mingdan ortiq import qilingan dorilar uchun referent (muvofiq) narxlar belgilandi. Shuningdek, dori vositalarining ta’minot tizimidagi vositachilar – distribyutorlar ustamalari kamaytirildi.
Bundan tashqari, farmatsevtika sohasiga 392 million dollar miqdorida investitsiya jalb qilindi. Bu ko‘rsatkich o‘tgan yilga nisbatan 2,3 barobar ko‘proqni tashkil etadi.
Yil oxiriga qadar yana 4 ming turdagi dori vositalari narxlarini pasaytirish rejalashtirilmoqda. Shuningdek, mahalliy korxonalarda texnologik transfer asosida importni qoplovchi mahsulotlar ishlab chiqarishni kengaytirish ham ko‘zda tutilgan.
Mazkur islohotlar orqali farmatsevtika bozorini barqarorlashtirish va aholining dori vositalaridan foydalanish imkoniyatlarini oshirish maqsad qilingan. Bu chora-tadbirlar aholining arzon va sifatli dori vositalariga bo‘lgan ehtiyojini qondirishga qaratilgan.
