Hafta boshida O‘zbekistonda yomg‘ir va tuman kutilmoqda
O‘zbekiston Respublikasi Gidrometeorologiya xizmati markazi (“O‘zgidromet”) 9-fevral, dushanba kuni uchun ob-havo prognozini e’lon qildi. Bu haqda Zamin.uz xabar berdi.
Unga ko‘ra, hafta boshida mamlakatning ko‘plab hududlarida yog‘ingarchilik kuzatilishi mumkin. Toshkent shahrida havo o‘zgaruvchan bo‘lib, kechga tomon yomg‘ir yog‘adi.
Harorat kechasi 6–8 daraja iliq, kunduzi esa 14–16 daraja iliq bo‘lishi kutilmoqda. Qoraqalpog‘iston Respublikasida havo o‘zgaruvchan, ayrim joylarda yomg‘ir yog‘ib, qorga aylanishi mumkin.
Shuningdek, tuman tushishi ehtimoli bor. Harorat kechasi 0–5 daraja sovuq, kunduzi esa 0–5 daraja iliq bo‘ladi.
Xorazm viloyatida ham havo o‘zgaruvchan bo‘lib, ba’zi hududlarda yomg‘ir yog‘ishi va tuman tushishi mumkin. Harorat kechasi 2 daraja sovuqdan 3 daraja iliqqacha, kunduzi esa 3–8 daraja iliq bo‘lishi kutilmoqda.
Buxoro va Navoiy viloyatlarida havo o‘zgaruvchan, ayrim joylarda yomg‘ir yog‘ishi va tuman tushishi mumkin. Harorat kechasi 7–12 daraja iliq, kunduzi esa 12–17 daraja iliq bo‘ladi.
Toshkent, Sirdaryo, Jizzax va Samarqand viloyatlarida havo o‘zgaruvchan, ba’zi joylarda yomg‘ir yog‘ishi va tuman tushishi ehtimoli bor. Harorat kechasi 5–10 daraja iliq, kunduzi esa 12–17 daraja iliq bo‘lishi kutilmoqda.
Qashqadaryo va Surxondaryo viloyatlarida havo o‘zgaruvchan bo‘lib, ayrim hududlarda yomg‘ir yog‘adi va tuman tushishi mumkin. Harorat kechasi 7–12 daraja iliq, kunduzi esa 12–17 daraja iliq bo‘ladi.
Andijon, Namangan va Farg‘ona viloyatlarida havo o‘zgaruvchan, yog‘ingarchilik kutilmaydi. Ayrim joylarda tuman tushishi mumkin.
Harorat kechasi 2 daraja sovuqdan 3 daraja iliqqacha, kunduzi esa 8–13 daraja iliq bo‘ladi. Tog‘oldi va tog‘li hududlarda havo o‘zgaruvchan bo‘lib, yomg‘ir va qor yog‘ishi kutilmoqda.
Ayrim joylarda yog‘ingarchilik kuchli bo‘lishi, tuman tushishi va qor ko‘chishi xavfi bor. Harorat kechasi va kunduzi 0–5 daraja iliq bo‘lishi mumkin (manba: O‘zgidromet).
