Yangi Toshkent Manxetten va Parijga teng bo‘ladi
Yangi Toshkent loyihasi hajmi jihatidan dunyoning eng yirik shaharlariga teng bo‘ladi. Bu haqda Zamin.uz xabar berdi.
Bu haqda qurilish sanoatiga bag‘ishlangan xalqaro konferensiyada Business Consulting Group kompaniyasi rahbari Pavel Zolotaryov ma’lum qildi. Uning so‘zlariga ko‘ra, Yangi Toshkentning umumiy maydoni Nyu-Yorkdagi Manxetten yoki ikkita Parij shahri hududiga teng bo‘lishi rejalashtirilmoqda.
Bundan tashqari, Zolotaryov Markaziy Osiyo mintaqasida Yangi Toshkent kabi yana sakkizta yangi shahar qurilishi rejalashtirilganini ta’kidladi. Ushbu loyihalar 10–20 yil ichida amalga oshirilishi ko‘zda tutilgan.
Yangi Toshkentda dunyodagi eng baland favvoralardan biri qurilishi ham rejalashtirilgan. Ushbu favvoraning balandligi 232 metr bo‘lib, uni 2026 yilning avgust oyida ishga tushirish rejalashtirilmoqda.
Bu inshoot nafaqat shahar, balki butun mintaqaning ramziga aylanishi kutilmoqda. Shahar qurilishi katta sur’atlar bilan davom etmoqda.
Yangi Toshkentga dastlabki ko‘chishlar 2026 yil dekabr oyida boshlanadi. Dastlab bu yerga og‘ir hayotiy sharoitga tushgan oilalar va davlat muassasalarida ishlovchi xodimlar joylashtiriladi.
Bu haqda “Yangi Toshkent” direksiyasi vakili Azizbek Omonov ma’lum qildi.
