O‘zbekistonlik olimlar ekologik toza bioplyonka yaratdi

O‘zbekiston olimlari ekologik toza va atrof-muhitga zararsiz bioplyonka ixtiro qilishga muvaffaq bo‘ldi. Bu haqda Zamin.uz xabar berdi.

Bu haqda O‘zbekiston Fanlar akademiyasi ma’lum qildi. Yangi kashfiyot plastik paketlarni samarali va ekologik jihatdan xavfsiz alternativa bilan almashtirish imkonini beradi.

Mazkur bioplyonka suv va tuproq muhitida oson parchalanadi hamda tabiatga hech qanday zarar yetkazmaydi. Tashqi ko‘rinishi va mustahkamligi bo‘yicha u oddiy sintetik polietilenga o‘xshab ko‘rinsa-da, ekologik xavfsizlik nuqtai nazaridan ancha ustun.

Shuningdek, bioplyonka oziq-ovqat va farmatsevtika sanoatida keng qo‘llanilishi mumkin. Uning mexanik xossalari oddiy polietilen plyonkalarga yaqin, ammo asosiy afzalligi – atrof-muhitga mutlaqo zarar yetkazmasligidadir.

Fanlar akademiyasi xabarida aytilishicha, ushbu bioplyonka plastik chiqindilarni kamaytirish va ekologik muammolarni hal etishda muhim qadam bo‘lib xizmat qiladi. Yangi texnologiya yashil iqtisodiyot rivojiga hissa qo‘shib, atrof-muhitni muhofaza qilish hamda plastik chiqindilar muammosini yengillashtirishda samarali yechim bo‘lishi mumkin.

Olimlarning ta’kidlashicha, mazkur mahsulotni ishlab chiqarish orqali aholi va sanoat uchun xavfsiz, ekologik toza mahsulot yaratishga erishilgan. Mazkur innovatsiya nafaqat ekologiya balki iqtisodiyot uchun ham yangi imkoniyatlar ochadi.

Bu kabi tadqiqotlar plastik chiqindilarni kamaytirish va atrof-muhitni himoya qilishda dolzarb ahamiyatga ega. Manba: One.uz.