2026-yil test sinovlari fanlari ro‘yxati e’lon qilindi
Oliy ta’lim, fan va innovatsiyalar vazirligi 2026–2027 o‘quv yili uchun abituriyentlar topshiradigan test sinovlari bo‘yicha fanlar ro‘yxatini e’lon qildi. Bu haqda Zamin.uz xabar berdi.
Unga ko‘ra, bakalavriat ta’lim yo‘nalishlari uchun umumiy test fanlari tasdiqlandi. Shu bilan birga, kasbiy yoki ijodiy imtihonlar talab qilinadigan yo‘nalishlarga mos ravishda alohida imtihonlar belgilanishi ham ma’lum qilindi.
Vazirlikning ta’kidlashicha, qabul parametrlari tasdiqlanishi davomida yangi tashkil etilgan yo‘nalishlar uchun ham fanlar ro‘yxati qo‘shimcha tarzda e’lon qilinadi. Bu esa abituriyentlarga o‘z tayyorgarlik rejasini yanada aniqroq tuzish imkonini beradi.
Bilimni baholash agentligi bergan ma’lumotlarga ko‘ra, 2026 yilda kunduzgi ta’lim shakli bo‘yicha 36 023 nafar abituriyent davlat granti asosida o‘qishga qabul qilinadi. Ushbu ko‘rsatkich Prezident Shavkat Mirziyoyevning 2025 yil 18 iyuldagi farmoyishiga asosan tasdiqlangan.
Bu esa oliy ta’lim tizimida imkoniyatlar kengayib borayotganini ko‘rsatadi. Manba: One.uz
