Shvetsiyadan 21 nafar o‘zbekistonlik vatanga qaytarildi
Shvetsiya hududida noqonuniy yashab kelgan 21 nafar O‘zbekiston fuqarosi vataniga qaytarildi. Bu haqda Zamin.uz xabar berdi.
Bu haqda “Dunyo” axborot agentligi xabar berdi. Ma’lum qilinishicha, 11-fevralga o‘tar kechasi Toshkent xalqaro aeroportiga maxsus charter reys orqali mazkur fuqarolar olib kelindi.
Ular Shvetsiyaga kirish qoidalariga rioya qilmasdan borgan va ushbu davlatda migratsiya qonunchiligini buzgan holda yashagan. Toshkent aeroportida qaytib kelgan fuqarolarni O‘zbekiston Tashqi ishlar vazirligi hamda boshqa mas’ul idoralar vakillari kutib olishdi.
Qaytarilgan shaxslar vatanga qaytish jarayonida berilgan ko‘mak uchun davlat rahbariyati va tegishli tashkilotlarga o‘z minnatdorliklarini izhor etishdi. Ushbu holat yana bir bor xorijga chiqishda belgilangan qoidalarga rioya qilish muhimligini eslatadi.
Fuqarolarni qonuniy asosda harakat qilishga chaqirish bilan birga, davlat idoralari vatandoshlar manfaatlarini himoya qilishni davom ettirmoqda.
