Fevralda harorat +22 darajagacha ko‘tariladi
Fevral oyida kontinental iqlimning o‘ziga xos jihatlarini yaqqol his qilish mumkin. Bu haqda Zamin.uz xabar berdi.
Shu kunlarda ob-havo tez-tez o‘zgarib turmoqda. Masalan, shanba kuni iliq ob-havo kuzatilsa, yakshanba kuni biroz sovuqroq, dushanba esa yana iliqlashishi kutilmoqda.
15 fevral kuni O‘zbekiston hududining katta qismida ob-havo iliq bo‘lishi prognoz qilinmoqda. Kunduzgi harorat +16 darajagacha ko‘tarilishi ehtimoli bor.
Ertasiga, 16 fevralda, iliqlik yanada oshib, harorat +22 darajagacha chiqishi mumkin. 17 fevral kuni ham ob-havo iliq bo‘lib, harorat yana +16 darajagacha ko‘tarilishi kutilmoqda.
Bu kabi iqlim o‘zgarishlari kontinental hududlarga xos bo‘lib, sovuq va iliq kunlarning almashinishi odatiy holatdir. Shu sababli, haroratning bunday o‘zgarishlariga mos ravishda kiyinish va salomatlikka e’tibor qaratish tavsiya etiladi.
Ma’lumot manbasi: zamin.uz.
