Diniy savollar uchun 1171 qisqa raqami ishga tushdi
O‘zbekiston musulmonlari idorasi huzurida faoliyat olib borayotgan Fatvo markazi qoshida yangi qisqa raqam ishga tushirildi. Bu haqda Zamin.uz xabar berdi.
Endi aholining diniy masalalarga oid savollari uchun 1171 qisqa raqamiga murojaat qilish imkoniyati mavjud. Ushbu xizmat har kuni soat 09:00 dan 17:00 gacha faoliyat ko‘rsatadi.
Fuqarolar mazkur raqam orqali o‘zlarini qiziqtirgan savollarga mutaxassislardan bevosita javob olishlari mumkin. Yangi aloqa tizimi aholiga qulaylik yaratish va savollarga tezkor javob berish maqsadida yo‘lga qo‘yilgan.
Shu bilan birga, ilgari mavjud bo‘lgan 78-150-33-44 telefon raqami ham o‘z faoliyatini davom ettiradi. Xorijda bo‘lgan vatandoshlar uchun esa Telegramdagi @fatvo_call_1 va @fatvo_call_2 manzillari hamda WhatsApp orqali +998 91 780 66 33 raqami orqali murojaat qilish imkoniyati saqlanib qolgan.
Ushbu Koll-markaz aholiga diniy masalalar bo‘yicha ishonchli va rasmiy javoblar taqdim etuvchi manba sifatida xizmat qiladi. Mazkur loyiha aholining ehtiyojlarini hisobga olib, tezkor va samarali aloqa imkoniyatlarini kengaytirish uchun tashkil etilgan.
