Yanvarda chiptasiz yurish bo‘yicha 11 mingdan ortiq jarima qo‘llandi
2026 yilning yanvar oyida jamoat transportida yo‘l haqini to‘lamasdan harakatlangan yo‘lovchilarga nisbatan 11 502 ta ma’muriy bayonnoma rasmiylashtirildi. Bu haqda Zamin.uz xabar berdi.
Bu haqda O‘zbekiston Respublikasi Transport vazirligi xabar berdi. Ma’lum qilinishicha, yanvar oyida avtobuslarda chiptasiz yurish holatlarini aniqlash maqsadida maxsus nazorat va reyd tadbirlari o‘tkazilgan.
Natijada, yo‘l haqini to‘lamagan 11 502 nafar yo‘lovchiga nisbatan qonunchilikda belgilangan tartibda chora ko‘rilgan. Ular O‘zbekiston Respublikasi Ma’muriy javobgarlik to‘g‘risidagi kodeksning 144-moddasi, 5-qismiga muvofiq jarimaga tortilgan.
Transport vazirligi jamoat transporti tizimining barqaror ishlashi yo‘lkiradan tushadigan mablag‘larga bog‘liqligini ta’kidladi. Yo‘lovchilarning yo‘l haqini o‘z vaqtida to‘lashi avtobuslarning muntazam harakati, xizmat sifati va qulay sharoitlarni ta’minlash uchun muhim omil ekani qayd etilgan.
Shu sababli, har bir fuqaro belgilangan qoidalarga rioya qilishi zarur.
