O‘zbekistonda 20-fevral iliq, 21-fevral sovuq bo‘ladi
20-fevral kuni O‘zbekiston hududida havo asosan iliq va nisbatan ochiq bo‘lishi kutilmoqda. Bu haqda Zamin.uz xabar berdi.
Ammo bahoriy iliqlikka to‘liq ishonib ketmaslik lozim, chunki 21-fevraldan boshlab havo haroratining keskin pasayishi ehtimoli mavjud. Toshkent shahrida kunduzi havo harorati +24 darajagacha, kechasi esa +5 darajagacha tushishi kutilmoqda.
Toshkent viloyatida esa kunduzi harorat +19 daraja, kechasi +2 daraja bo‘lishi mumkin (Angren atrofida). Andijon viloyatida kunduzi +21 daraja, kechasi +8 daraja, Farg‘onada esa kunduzi +20 daraja, kechasi +10 daraja atrofida bo‘ladi.
Namangan viloyatida kunduzi +21 daraja, kechasi esa +8 daraja kuzatiladi. Samarqand va Jizzax viloyatlarida kunduzi havo harorati mos ravishda +26 va +26 darajagacha ko‘tarilib, kechasi +6 va +7 darajagacha pasayadi.
Sirdaryoda kunduzi +22 daraja, kechasi +8 daraja bo‘ladi. Buxoro viloyatida kunduzi harorat +25 daraja, kechasi esa +3 darajaga tushadi.
Navoiy viloyatida kunduzi +24 daraja, kechasi +1 daraja, Qashqadaryoda esa kunduzi +27 daraja, kechasi +6 daraja bo‘lishi kutilmoqda. Surxondaryoda kunduzi havo harorati +25 daraja, kechasi +11 daraja atrofida bo‘ladi.
Xorazm viloyatida kunduzi +15 daraja, kechasi 0 darajaga tushadi. Qoraqalpog‘iston Respublikasida esa kunduzi +12 daraja, kechasi −2 daraja bo‘lishi mumkin.
Manba: Zamin.uz
