25-fevral: O‘zbekistonda havo o‘zgaruvchan bo‘ladi
25-fevral kuni O‘zbekistonda ob-havo o‘zgaruvchan bo‘lishi kutilmoqda. Bu haqda Zamin.uz xabar berdi.
O‘zgidromet xabariga ko‘ra, ayrim hududlarda yomg‘ir yog‘ishi, ba’zi joylarda esa yog‘ingarchilik qorga aylanishi mumkin. Shamol yo‘nalishi g‘arb tomondan esib, ba’zi hududlarda kuchayishi va chang-to‘zon bilan kuzatilishi ehtimoli bor.
Toshkent shahrida asosan yog‘ingarchilik kutilmaydi, ammo kechqurun bir oz yomg‘ir yog‘ishi mumkin. Shamol tezligi 3–8 m/s, ba’zan 10–12 m/s gacha yetishi mumkin.
Harorat kechasi 7–9 daraja, kunduzi 20–22 daraja iliq bo‘ladi. Qoraqalpog‘istonda osmon o‘zgaruvchan, ayrim joylarda yomg‘ir yoki qor yog‘ishi mumkin.
Shamol tezligi 7–12 m/s atrofida bo‘ladi. Harorat kechasi 3 daraja sovuqdan 2 daraja iliqqacha, kunduzi esa 0–5 daraja iliq bo‘lishi kutilmoqda.
Ustyurtda kechasi 3–8 daraja sovuq, kunduzi 3 daraja sovuqdan 2 daraja iliqqa qadar o‘zgaradi. Xorazm viloyatida ham havo o‘zgaruvchan bo‘lib, ayrim joylarda yomg‘ir yog‘adi, ba’zi hududlarda esa qorga aylanish ehtimoli bor.
Shamol tezligi 9–14 m/s bo‘lishi mumkin. Harorat kechasi va kunduzi 2–7 daraja iliq bo‘ladi.
Buxoro va Navoiy viloyatlarida ayrim hududlarda yomg‘ir yog‘ishi kutilmoqda. Shamol tezligi 7–12 m/s, ba’zan 20–25 m/s gacha kuchayib, chang-to‘zon ko‘tarilishi mumkin.
Harorat kechasi 5–10 daraja iliq, kunduzi 15–20 daraja iliq bo‘ladi. Navoiy viloyatining cho‘l hududlarida harorat kechasi 2 daraja sovuqdan 3 daraja iliqqacha, kunduzi esa 7–12 daraja iliq bo‘lishi mumkin.
Toshkent viloyati, Sirdaryo, Jizzax va Samarqandda havo o‘zgaruvchan, yog‘ingarchilik kutilmaydi. Faqat kechqurun ayrim joylarda yomg‘ir yog‘ishi ehtimoli bor.
Shamol tezligi 7–12 m/s, ba’zan 20–25 m/s gacha kuchayishi mumkin. Harorat kechasi 5–10 daraja iliq, kunduzi esa 18–23 daraja iliq bo‘ladi.
Qashqadaryo va Surxondaryo viloyatlarida yog‘ingarchilik kutilmaydi, faqat kechqurun ayrim joylarda yomg‘ir yog‘ishi ehtimoli bor. Shamol kuchi ayrim joylarda 20–25 m/s gacha yetishi mumkin.
Harorat kechasi 7–12 daraja iliq, kunduzi esa 21–26 daraja iliq bo‘ladi. Andijon, Namangan va Farg‘ona viloyatlarida havo o‘zgaruvchan, yog‘ingarchilik kutilmaydi.
Ayrim joylarda tuman tushishi mumkin. Shamol tezligi 5–10 m/s atrofida bo‘ladi.
Harorat kechasi 3–8 daraja iliq, kunduzi esa 15–20 daraja iliq bo‘lishi kutilmoqda. Tog‘oldi va tog‘li hududlarda vaqti-vaqti bilan yomg‘ir yoki qor yog‘ishi mumkin.
Ayrim joylarda tuman tushishi va qor ko‘chishi xavfi mavjud. Shamol tezligi 7–12 m/s, ba’zan 15–20 m/s gacha kuchayishi mumkin.
Harorat kechasi 0–5 daraja iliq, kunduzi esa 8–13 daraja iliq bo‘ladi. 25–26-fevral kunlari tog‘oldi va tog‘li hududlarda sel-suv toshqini xavfi e’lon qilingan.
Shu sababli ushbu hududlarda ehtiyot bo‘lish va xavfli joylarda yurmaslik tavsiya etiladi. Ma’lumot manbasi: O‘zgidromet.
