Yaqin Sharqdagi vaziyat sabab umra safarlari to‘xtatildi
Yaqin Sharqdagi vaziyatning keskinlashuvi va havo bo‘shlig‘ida joriy etilgan cheklovlar sababli bir qator aviareyslar to‘xtatildi. Bu haqda Zamin.uz xabar berdi.
Shu munosabat bilan, O‘zbekiston musulmonlari idorasi va turoperatorlar tomonidan tashkil etilayotgan umra safarlari ham vaqtincha to‘xtatildi. Ushbu cheklovlar hududdagi siyosiy va harbiy holatning havo hududi xavfsizligiga ta’sir ko‘rsatishi bilan bog‘liq.
Ayniqsa, 2026-yil 2-martga belgilangan Toshkent — Jidda aviaqatnovi noma’lum muddatga qoldirildi. Ziyoratchilardan ushbu vaziyatni to‘g‘ri tushunishlari so‘ralmoqda.
Parvozlarning qayta tiklanishi haqida qo‘shimcha ma’lumot berilishi kutilmoqda. Ushbu chora fuqarolarning xavfsizligini ta’minlash maqsadida qabul qilingan.
Manba: One.uz.
