Eron inqirozi sababli Umra reyslari to‘xtatildi
Eron hududida boshlangan harbiy harakatlar sababli Yaqin Sharq mintaqasida parvozlar cheklab qo‘yildi. Bu haqda Zamin.uz xabar berdi.
Ayniqsa, Erondagi keskin vaziyat tufayli O‘zbekistondan Saudiya Arabistonining muqaddas shaharlariga reyslar vaqtincha to‘xtatildi. Bu holat natijasida Andijondan Madinaga uchayotgan samolyot yo‘lovchilari ortga qaytishga majbur bo‘ldi.
Parvoz davomida xavfsizlik sababli marshrut o‘zgartirilib, samolyot O‘zbekistonga qaytarildi. Hozirda Madina va Jidda yo‘nalishidagi barcha reyslar bekor qilingan.
Umra ziyorati uchun parvozlar qachon qayta yo‘lga qo‘yilishi hali noma’lum. Mas’ul tashkilotlar vaziyatni yaqindan kuzatib bormoqda.
Yo‘lovchilarga esa rasmiy manbalardagi yangiliklarni doimiy ravishda kuzatib borish tavsiya etiladi. Bu haqda batafsil ma’lumotni One.uz saytida topishingiz mumkin.
