O‘zbekiston blogerlik daromadlarini soliq nazoratiga oladi
O‘zbekiston Soliq qo‘mitasi vakillari Moskva shahrida Rossiya Federal soliq xizmati tajribasini o‘rganmoqda. Bu haqda Zamin.uz xabar berdi.
Bu jarayon blogerlar va internet orqali daromad topayotgan shaxslar faoliyatini samarali soliq nazoratiga olish maqsadida amalga oshirilmoqda. 2025-yilda O‘zbekiston iqtisodiyotida muhim o‘zgarish yuz berdi: blogerlarning reklama daromadi ilk bor Yalpi ichki mahsulot tarkibiga kiritildi.
Bu yangilik blogerlik faoliyatining iqtisodiyotda sezilarli o‘rin egallayotganini ko‘rsatadi. Blogerlik daromadlari 760,2 milliard so‘mni tashkil etdi, bu taxminan 62 million AQSh dollariga teng.
Ushbu raqamlar blogerlikni endilikda ijtimoiy tarmoqlardagi faollikdan tashqari, real iqtisodiy segmentga aylanganini anglatadi. Kelajakda bu sohani to‘liq shaffoflashtirish, rasmiylashtirish va soliq tizimi bilan integratsiya qilish rejalashtirilgan.
Bu esa O‘zbekiston iqtisodiyotining rivojlanishida muhim qadam bo‘lishi kutilmoqda. Manba: One.uz.
