Qatar havo hududi yopilishi tufayli 48 o‘zbekistonlik Doha aeroportida qoldi
Qatar havo hududining vaqtincha yopilishi sababli Toshkentga qaytishi kerak bo‘lgan 48 nafar O‘zbekiston fuqarosi Doha aeroportida qoldi. Bu haqda Zamin.uz xabar berdi.
O‘zbekiston Tashqi ishlar vazirligi va Dohadagi elchixona vaziyatni nazoratga oldi va tezkor choralar ko‘rdi. Ba’zi aviakompaniyalar yo‘lovchilarni zudlik bilan mehmonxonalarga joylashtira olmaganligi sababli, elchixona xodimlari muzokaralar o‘tkazib, fuqarolarni vaqtinchalik mehmonxonalarga joylashtirishga erishdi.
Qatar havo hududi ochilgach, parvozlar tiklanishi bilan o‘zbekistonliklar xavfsiz ravishda Vatanga qaytadi. Elchixona vaziyatni doimiy nazoratda saqlamoqda.
Qatarda bo‘lib turgan 600 ga yaqin O‘zbekiston fuqarosi orasida hech qanday jabrlanganlar yo‘qligi ma’lum qilindi. O‘zbekiston fuqarolaridan vahimaga berilmaslik, faqat rasmiy axborotga ishonish va xavfsizlik qoidalariga rioya qilish so‘raldi.
Ma’lumot manbasi: One.uz.
