Toshkentda havo sifatining yomonlashishi sabablari aniqlandi
O‘zgidromet Toshkent shahridagi havo sifatining yomonlashishi sabablari haqida ma’lumot berdi, deb xabar qiladi uznews.uz. Bu haqda Zamin.uz xabar berdi.
1-mart kuni Toshkent dunyo bo‘yicha havo ifloslanishi reytingida yuqori o‘rinni egalladi. Mutaxassislar buni mintaqaga kirib kelgan sovuq havo oqimi va kunning turli vaqtlaridagi harorat farqi bilan bog‘lashmoqda.
Kechasi harorat +3...+5 daraja, kunduzi esa +11...+15 daraja bo‘lishi bu holatga sabab bo‘lgan. Bunday meteorologik sharoitlar yer yuzasiga yaqin qatlamlarda havo almashinuvini sekinlashtiradi va havo ifloslantiruvchi moddalarning tarqalishiga to‘sqinlik qiladi.
Natijada, atmosferada mayda zarrachalar, ya’ni PM2.5 va PM10 konsentratsiyasi ortib ketadi. Sinoptiklar esa ertaga yog‘ingarchilik kutilayotgani sababli havo sifatining yaxshilanishini bashorat qilishmoqda.
Yog‘ingarchilik havo ifloslanishini kamaytirishga yordam beradi.
