"Yangi O‘zbekiston bunyodkorlari" nishoni ta’sis etildi
O‘zbekiston Respublikasi Vazirlar Mahkamasi "Yangi O‘zbekiston bunyodkorlari" ko‘krak nishonini ta’sis etish to‘g‘risida qaror qabul qildi. Bu haqda Zamin.uz xabar berdi.
Ushbu nishon yangi O‘zbekistonni qurishda faol ishtirok etayotgan, vatanparvarlik va fidoyilik ko‘rsatgan, mamlakat taraqqiyotiga va xalqaro obro‘sini oshirishga munosib hissa qo‘shayotgan fuqarolarga beriladi. Nomzodlar quyidagi toifalar orasidan tanlanadi: "El-yurt umidi" jamg‘armasi stipendiatlari, maktablar va Prezident maktablari o‘quvchilari, "Yangi O‘zbekiston" universiteti bitiruvchilari, "Prezident iqtidorli farzandlari" tashabbusi ishtirokchilari hamda "Iqtidorli yoshlarni qo‘llab-quvvatlash" hamjamiyati orqali birlashgan iste’dodli vatandoshlar.
Taqdirlanadiganlar ro‘yxatini shakllantirish ishlari Maktabgacha va maktab ta’limi vazirligi tomonidan amalga oshiriladi. Chet el fuqarolari va fuqaroligi bo‘lmagan shaxslar ham Tashqi ishlar vazirligi bilan kelishilgan holda nishon bilan taqdirlanishi mumkin.
Ko‘krak nishoni har yili hamjamiyat qurultoyida topshiriladi va bir shaxsga faqat bir marta beriladi.
