O‘zbekistonga sovuq havo kirib kelmoqda: ehtiyot bo‘ling

O‘zbekiston hududiga yaqin kunlarda sovuq va nam havo oqimi kirib kelishi kutilmoqda. Bu haqda Zamin.uz xabar berdi.

Sinoptiklarning xabar berishicha, 9 martdan 12 martgacha mamlakatimizda ob-havo sharoiti keskin o‘zgaradi. Bahorning ilk kunlaridagi iliq ob-havo o‘rnini qishki sovuqlar egallaydi.

Prognozlarga ko‘ra, 9 martdan 11 martgacha respublikaning ayrim hududlarida yomg‘ir yog‘ib, keyinchalik qorga aylanishi mumkin. Ba’zi joylarda yog‘ingarchiliklar kuchli bo‘lishi ehtimoli bor, shuning uchun haydovchilar va piyodalardan yo‘llarda ehtiyotkorlik so‘raladi.

Haroratning pasayishi ayniqsa 10 martdan 12 mart kunlariga to‘g‘ri keladi. Ushbu davrda havo harorati sezilarli darajada sovib, kechalari 10 darajagacha, kunduz kunlari esa 3 darajagacha sovuq bo‘lishi kutilmoqda.

Mutaxassislar aholini bu kunlarda issiqroq kiyinishga va salomatlikni asrashga chaqirmoqda. Manba: One.uz.