Tog‘li hududlarda qor ko‘chishi xavfi e’lon qilindi
O‘zbekiston Respublikasi Gidrometeorologiya xizmati tog‘li hududlarda qor ko‘chish xavfi mavjudligi haqida ogohlantirish berdi. Bu haqda Zamin.uz xabar berdi.
2026 yil 9–11 mart kunlari kutilayotgan yog‘ingarchilik va havo haroratidagi o‘zgarishlar sababli ayrim tog‘li hududlarda qor ko‘chishi ehtimoli mavjud. Ushbu xavf Qashqadaryo viloyatining Dehqonobod, Kitob, Qamashi, Shahrisabz tumanlari, Surxondaryo viloyatining Boysun, Qumqo‘rg‘on, Sariosiyo, Uzun tumanlari, Samarqand viloyatining Nurobod, Qo‘shrabot, Samarqand, Urgut tumanlari, Jizzax viloyatining Baxmal, Zomin tumanlari, Toshkent viloyatining Bo‘stonliq, Parkent, Ohangaron tumanlari, shuningdek, Chotqol tizmasi tog‘lari va Namangan viloyatining Pop tumaniga taalluqli.
Tog‘li hududlarda yashovchi fuqarolar, dam oluvchilar va ushbu yo‘nalishlarda harakatlanayotgan haydovchilarga ehtiyotkorlik choralarini ko‘rish tavsiya etiladi. Avvalroq ma’lum qilinganidek, 9–12 mart kunlari O‘zbekiston hududiga sovuq va nam havo massalari kirib kelishi kutilmoqda.
Shu sababli, bu davrda havo o‘zgarishlariga tayyor bo‘lish zarur. Manba: One.uz.
