O‘zbekistonda jinoyatchilar uchun jazo tartibi kuchaytirildi
O‘zbekistonda jinoyat-ijroiya qonunchiligini yaxshilash va jazo tizimini tartibga solish maqsadida yangi prezident farmoni qabul qilindi. Bu haqda Zamin.uz xabar berdi.
Bu hujjat jamiyat uchun xavfli bo‘lgan ba’zi mahkumlarga nisbatan jazo o‘tash tartibini o‘zgartirishni nazarda tutadi. Ayniqsa, voyaga yetmaganlarga nisbatan og‘ir jinoyatlar sodir etgan shaxslar uchun qat’iy cheklovlar joriy etildi.
Endilikda bunday jinoyatchilar manzil-koloniyalarga o‘tkazilmaydi, bu esa ularning jazo muddatini yanada qattiq nazorat ostida o‘tashini ta’minlaydi. Shu bilan birga, ushbu jinoyatlarni sodir etgan mahkumlarga yengil sharoitlar yaratish amaliyotiga chek qo‘yildi.
Bunday shaxslar maxsus psixologik tuzatish dasturlaridan muvaffaqiyatli o‘tmasdan turib, jazoni yengilroq tartibda o‘tash huquqiga ega bo‘lmaydilar. Ushbu chora-tadbirlar jinoyatchilikni kamaytirish va jazo tizimining samaradorligini oshirishga qaratilgan.
(Manba: One.uz)
