Sovuq antisiklon O'zbekiston havosiga ta'sir qilmoqda
Bugundan boshlab O'zbekiston hududiga kirib kelayotgan sovuq antisiklon tufayli atmosfera havosining sifati vaqtincha yomonlashishi mumkin. Bu haqda Zamin.uz xabar berdi.
Bu haqda O‘zgidromet xabar berdi. Mutaxassislarning ta'kidlashicha, havo aylanishining sekinlashuvi va harorat inversiyasi shakllanishi ehtimoli mavjud.
Bu esa ifloslantiruvchi moddalar atmosferaning yerga yaqin qatlamida to‘planib qolishiga olib kelishi mumkin. Hozirda hududda harorat inversiyasiga sabab bo‘luvchi meteorologik sharoitlar kuzatilmoqda.
Kechasi havo harorati +5…+7°C, kunduzi esa +16…+18°C atrofida saqlanmoqda. Toshkent shahrida esa nam va nisbatan salqin havo massasi ta’sirida qolmoqda.
Ertalabki soatlarda tuman, yuqori namlik va shamolsiz ob-havo havo almashinuvini sekinlashtirmoqda. Bu esa chiqindilarning shahar hududida saqlanib qolishiga olib kelishi mumkin.
Mutaxassislar, bunday sharoitda avtotransport chiqindilari, isitish tizimlari va sanoat chiqindilari atmosferada jamlanishini ta'kidlamoqda. Ifloslantiruvchi moddalar tarqalishining sekin kechishi chang va mayda dispersli zarrachalar miqdorini oshirishi mumkin.
Prognozlarga ko‘ra, ushbu vaziyat yaqin uch kun davomida saqlanishi mumkin. 10 martga kelib sovuq antisiklon mamlakat hududini to‘liq qamrab oladi va shundan so‘ng havo harorati barqarorlashishi, shamol tezligi kuchayishi va yog‘ingarchilik kuzatilishi natijasida atmosferadagi ifloslantiruvchi moddalar tarqalishi kutilmoqda.
