Ko‘chmas mulk va transport savdosi uchun yangi elektron tizim joriy etildi
Adliya vazirligi ko‘chmas mulk va transport vositalarini sotib olish jarayonlarini yanada soddalashtirish va shaffoflikni ta’minlash maqsadida yangi nizomni davlat ro‘yxatidan o‘tkazdi. Bu haqda Zamin.uz xabar berdi.
Bu hujjat notariuslar va banklar o‘rtasida elektron ma’lumot almashish tartibini belgilab beradi. Kuzatuvlarga ko‘ra, 2026-yilning birinchi aprelidan boshlab ko‘chmas mulk obyektlari hamda ishlab chiqarilganiga o‘n yildan oshmagan M, N, O va G toifalariga kiruvchi transport vositalari savdosi xuddi shu elektron tizim orqali amalga oshiriladi.
Yangilikning mohiyati shundaki, kelajakda taraflar o‘rtasidagi moliyaviy hisob-kitoblarning to‘g‘ri va o‘z vaqtida amalga oshirilganligini notariuslar shaxsan tekshirish o‘rniga, banklardan keladigan elektron ma’lumotlar asosida tasdiqlaydilar. Bu jarayonda xaridor yoki uning vakili avval bankka murojaat qilib, shartnoma bo‘yicha kelishilgan mablag‘larni maxsus eskrou hisobvarag‘iga joylashtiradi.
Agar to‘lov kredit mablag‘lari hisobidan amalga oshirilayotgan bo‘lsa, kredit beruvchi bank notariusga avtomatik tarzda elektron xabar yuboradi. Notariuslar esa shartnoma imzolash paytida faqat eskrou hisobvarag‘ida mablag‘larning mavjudligini elektron tizim orqali tekshirib oladilar va keyin hujjatni tasdiqlaydilar.
Shundan so‘ng, pul mablag‘lari sotuvchining hisobvarag‘iga o‘tkaziladi yoki uning so‘roviga binoan naqd pul shaklida topshiriladi. Mazkur tizim qo‘llab olinishi xarid va sotuv jarayonlarini tezlashtiradi, xatoliklarni kamaytiradi va aholiga qo‘shimcha imkoniyatlar yaratadi.
