Yakuniy attestatsiyada xorijiy til sertifikatlari tan olinadi
Adliya vazirligi o‘rta maxsus ta’lim muassasalarida yakuniy davlat attestatsiyasini o‘tkazish tartibini belgilovchi nizomga qo‘shimcha va o‘zgartirishlarni davlat ro‘yxatidan o‘tkazdi. Bu haqda Zamin.uz xabar berdi.
Endilikda, yakuniy attestatsiya sinovlarida xorijiy tillar va umumta’lim fanlari bo‘yicha milliy yoki xalqaro sertifikatga ega bo‘lgan o‘quvchilar ushbu fanlardan davlat imtihonini topshirmaydi va ularga maksimal ball beriladi. Yakuniy attestatsiyani uch yil davomida topshirmagan o‘quvchilarga davlat namunasidagi guvohnoma olish uchun eksternt shaklda imtihon topshirish huquqi beriladi.
Shuningdek, yakuniy attestatsiya jarayonida yuzaga kelgan shikoyatlarni ko‘rib chiqish uchun apellyatsiya komissiyasi tashkil etiladi. O‘quvchilar imtihon natijalari e’lon qilingan kundan boshlab uch ish kuni ichida apellyatsiya berishlari mumkin.
Apellyatsiya jarayonida o‘quvchining olgan ballari kamaytirilmaydi. Bu tartib o‘quvchilarning huquqlarini himoya qilish va adolatli baholashni ta’minlashga qaratilgan.
