Gidromet xizmati kuchli yomg‘in va sel xavfi haqida ogohlantirdi
O‘zbekiston Respublikasi Gidrometeorologiya xizmati mamlakatimiz tog‘li va tog‘oldi hududlarida sel suv toshqinlari xavfi ortishi mumkinligi haqida tezkor ogohlantirish e’lon qildi. Bu haqda Zamin.uz xabar berdi.
Ma’lum qilinishicha, joriy yilning 26-mart kuni hamda 28 dan 30 martgacha bo‘lgan kunlarda kutilayotgan kuchli yomg‘inlar tufayli respublikamizning bir qator viloyatlarida sel xavfi yuzaga kelishi ehtimoli aniq belgilandi. Xavf ostidagi hududlar ro‘yxatiga Qashqadaryo viloyatining Yakkabog‘, Dehqonobod, Chiroqchi, Kitob, Shahrisabz, Qamashi va G‘uzor tumanlari kiritilgan.
Surxondaryo viloyatida esa Sariosiyo, Uzun, Oltinsoy, Denov, Boysun, Sherobod, Sho‘rchchi, Qumqo‘rg‘on va Muzrobot tumanlarida ehtiyot bo‘lish talab etilmoqda. Samarqand viloyatining Urgut, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy va Ishtixon tumanlari hamda shaharlarida ham xavf mavjud.
Navoiy viloyatining Xatirchi, Navbahor, Nurota, Konimex va Karmana tumanlari, shuningdek Jizzax viloyatining Zomin, Baxmal, G‘allaorol, Sharof Rashidov, Forish va Yangiobod tumanlari ogohlantirish doirasiga kiradi. Toshkent viloyatida Ohangaron, Bo‘stonliq, Parkent, Piskent, O‘rtachirchiq, Yuqorichirchiq tumanlari hamda Angren va Olmaliq shaharlari aholisi diqqatli bo‘lishi kerak.
Namangan viloyatining Pop, Kosonsoy, Chortoq, Chust, Yangiqo‘rg‘on tumanlari va viloyat markazi ham xavfli hududlar qatoridan o‘rin olgan. Farg‘ona viloyatida So‘x, Shohimardon, Farg‘ona va Beshariq tumanlarida, Andijon viloyatida esa Andijon shahri va Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari hamda Xonabod shahrida sel suvlari kelishi mumkin.
Tog‘li va tog‘oldi hududlarda yashovchi aholi, dam oluvchilar hamda chorvadorlardan ehtiyotkorlik choralarini qo‘llash so‘ralmoqda. Yomg‘in suvlari to‘planishi natijasida sel xavfi ortib ketishi mumkinligi sababli, aholi izchil diqqatli bo‘lishi, xavfsiz harakat qilishi va suv bosish ehtimoliga oldindan tayyor turishi lozim.
O‘zgidromet xodimlari har bir fuqaroni ofat holatlari paytida tinchlikni saqlash va xavfsizlik qoidalariga amal qilishga chaqirmoqda.
