Dam olish kunlari ayrim hududlarda yomg‘ir kutilmoqda

O‘zgidrometning taqdim etgan ma’lumotlariga ko‘ra, yaqin kunlarda mamlakatimiz hududida asosan barqaror ob-havo kuzatilishi kutilmoqda. Bu haqda Zamin.uz xabar berdi.

Dam olish kunlari ko‘plab viloyatlarda havo quruq bo‘lishi aytilmoqda, biroq ayrim hududlarda vaqtinchalik yog‘ingarchiliklar va momaqaldiroqlar sodir bo‘lish ehtimoli bor. Juma kuni Toshkent viloyati hamda Farg‘ona vodiysining ba’zi tumanlarida qisqa muddatli yomg‘irlar yog‘ishi mumkin.

Boshqa hududlarda esa havo quruq bo‘lib, kunlik harorat +13 darajadan +18 darajagacha bo‘ladi. Shanba va yakshanba kunlari ob-havo sharoiti biroz o‘zgaradi.

Toshkent, Samarqand, Jizzax va Sirdaryo viloyatlarining ayrim qismlarida qisqa muddatli yomg‘ir va momaqaldiroqlar kuzatilishi mumkinligi aytilmoqda. Yakshanba kuni Farg‘ona vodiysining ba’zi joylarida ham yog‘ingarchilik qayd etilishi kutilmoqda.

Havo harorati asta-sekin ko‘tarilib boradi. Yakshanba kunduzi mamlakatning ko‘plab hududlarida termometr +20 darajadan +25 darajagacha, janubiy viloyatlarda esa +26 darajadan +28 darajagacha issiqlikni ko‘rsatadi.

19 aprel kuni respublika shimoli-g‘arbiy hududlarida shamol kuchayishi kutilmoqda. Shamolning tezligi sekundiga 15 dan 20 metrgacha yetishi mumkin, bu esa chang-to‘zon ko‘tarilishiga olib kelishi ehtimoli borligini anglatadi.

Tog‘li va tog‘oldi hududlarda 17-apreldan 19-aprelgacha bo‘lgan davrda vaqt-vaqti bilan yomg‘irlar yog‘adi. Baland tog‘larda esa yomg‘ir va qor aralash yog‘ingarchiliklar kuzatiladi.

Shu sababli ushbu hududlarda sel va suv toshqinlari xavfi saqlanib qolmoqda. Toshkent shahrida dam olish kunlari havo qisman bulutli bo‘lib, ba’zi vaqtlarda yomg‘ir yog‘ishi mumkin.

Poytaxtda juma kuni harorat +14... +16 daraja, shanba kuni +19...

+21 daraja, yakshanba kuni esa +21... +23 daraja atrofida bo‘lishi kutilmoqda.