O'zbekistonda ob-havo beqaror bo'lishi kutilmoqda
O‘zbekiston Respublikasi O‘zgidromet xizmati ma’lumotlariga ko‘ra, 22 aprel kuni mamlakatning ko‘plab hududlarida ob-havo beqaror bo‘lishi kutilmoqda. Bu haqda Zamin.uz xabar berdi.
Bu kunda turli viloyat va respublikalarda yog‘ingarchilik, momaqaldiroq va kuchli shamol kabi ob-havo hodisalari kuzatilishi mumkin. Toshkent shahrida osmon qisman bulutli bo‘ladi.
Kunning ikkinchi yarmida qisqa muddatli yomg‘ir yog‘ishi va momaqaldiroq bo‘lishi ehtimoli mavjud. Shamol sharqdan g‘arbga yo‘nalgan holda 3–8 metr sekund tezlikda esadi, ba’zi paytlarda uning tezligi 12–14 metr sekundgacha oshishi mumkin.
Kechasi havo harorati 17–19 daraja, kunduzi 24–26 daraja oralig‘ida bo‘ladi. Qoraqalpog‘iston Respublikasi va Xorazm viloyatida ob-havo o‘zgaruvchan bo‘lib, ayrim joylarda qisqa muddatli yomg‘ir va momaqaldiroq kuzatilishi mumkin.
G‘arbdan esadigan shamol 13–18 metr sekund tezlikgacha kuchayib, chang-to‘zon ko‘tarilishiga olib kelishi ehtimoldan holi emas. Harorat kechasi 10–15 daraja, kunduzi 18–23 daraja atrofida bo‘ladi.
Buxoro va Navoiy viloyatlarida ham havo beqaror bo‘lishi kutilmoqda. Ayrim hududlarda yomg‘ir yog‘ishi mumkin, shamol esa 13–18 metr sekundgacha kuchayib, changli bo‘ronlar kuzatilishi xavfi mavjud.
Kechasi harorat 13–18 daraja, kunduzi 20–25 daraja oralig‘ida bo‘ladi. Toshkent viloyati, Sirdaryo, Jizzax va Samarqandda osmon bulutli bo‘lib, yomg‘ir va momaqaldiroq kutilmoqda.
Shamol yo‘nalishini o‘zgartirib, kuchli esishi va chang ko‘tarilishi mumkin. Harorat kechasi 15–20 daraja, kunduzi 22–27 daraja bo‘ladi.
Qashqadaryo va Surxondaryo viloyatlarida ham yog‘ingarchilik ehtimoli bor. Ayrim joylarda yomg‘ir va chaqmoq kuzatilib, shamol 18 metr sekundgacha kuchayishi mumkin.
Kechasi 17–22 daraja, kunduzi 24–29 daraja iliq bo‘ladi. Farg‘ona vodiysida, jumladan Andijon, Namangan va Farg‘ona viloyatlarida kun davomida asosan quruq ob-havo saqlanadi.
Faqat kechki paytda ayrim joylarda yomg‘ir yog‘ishi mumkin. Shamol 5–10 metr sekund tezlikda esadi.
Harorat kechasi 13–18 daraja, kunduzi 22–27 daraja atrofida bo‘ladi. Tog‘li hududlarda vaziyat ancha jiddiy bo‘lishi mumkin.
Yomg‘ir va momaqaldiroqlar kuzatilishi, 21–23 aprel kunlari esa kuchli yog‘ingarchilik sababli sel va suv toshqini hodisalari yuzaga kelishi xavfi mavjud. Shamol 15–20 metr sekundgacha kuchayishi mumkin.
Harorat kechasi 7–12 daraja, kunduzi 13–18 daraja bo‘ladi. Umuman olganda, ertaga mamlakat bo‘ylab ob-havo beqaror kechishi kutilmoqda.
Aholiga ehtiyotkor bo‘lish, momaqaldiroq va kuchli shamol paytida ochiq joylarda bo‘lmaslik, bolalarni nazoratsiz qoldirmaslik tavsiya etiladi. Shuningdek, tog‘li hududlar aholisiga sel xavfi haqida ogohlantirishlar diqqat bilan kuzatilishi kerak.
