Burchmullada 20 MVt shamol elektr stansiyasi quriladi
Toshkent viloyatining Burchmulla hududida shamol elektr stansiyasi qurilishi rejalashtirilmoqda. Bu haqida Zamin.uz xabar berdi.
Hududiy hokimlik matbuot xizmati ma’lumotiga ko‘ra, ushbu loyiha yiliga 129,6 million kilovatt-soat elektr energiyasi ishlab chiqarishni ko‘zda tutadi. Qurilish uchun 10 gektar yer maydoni ajratilgan.
Stansiyaning rejalashtirilgan quvvati 20 megavattni tashkil etadi. Loyiha qiymati taxminan 28 million dollar, ya’ni 354 milliard so‘m atrofida baholanmoqda.
Viloyat hokimligi ta’kidlashicha, shamol elektr stansiyasi ishga tushirilgach, yiliga 811 ming kub metr tabiiy gaz yoki 3,1 ming tonna ko‘mir tejab qolish imkoniyati paydo bo‘ladi. Shuningdek, O‘zbekiston Yevropa mamlakatlariga “yashil energiya” eksport qilish tashabbusiga qo‘shilgan.
Bu loyihada Ozarbayjon va Qozog‘iston energetika kompaniyalari hamkor sifatida ishtirok etmoqda. Elektr energiyasi Qora dengiz tubi orqali yotqiziladigan kabel yordamida uzatiladi.
Ushbu loyiha mamlakatimiz energetika sohasida ekologik va iqtisodiy jihatdan muhim qadam hisoblanadi.
