So‘nggi besh yil ichida O‘zbekistonning axborot texnologiyalari xizmatlari eksporti 170 million dollardan 1 milliard dollargacha oshdi. Bu haqida Zamin.uz xabar berdi.
Bu haqda Kursiv Media xabar berdi. Prezident Shavkat Mirziyoyevga raqamli texnologiyalar rivojiga bag‘ishlangan taqdimotda ma’lum qilinishicha, mamlakat startaplari 70 million dollarlik venchur investitsiyalarni jalb qilgan.
Shuningdek, IT sohasida faoliyat yuritayotgan 40 mingdan ortiq yoshlar yuqori maosh olmoqda. IT Park rezidentlari soni 2800 nafardan oshib, ularning 752 nafari xorijlik mutaxassislardir.
Taqdimotda aytilishicha, O‘zbekiston sun’iy intellekt sohasida xalqaro indeksda 17 pog‘ona yuqorilab, Markaziy Osiyoda birinchi o‘rinni egalladi. Shuningdek, mamlakat telekommunikatsiya sohasida o‘sish sur’ati bo‘yicha MDH davlatlari orasida yetakchi hisoblanadi.
Prezidentga 2026 yilgacha sohaga oid rivojlanish rejalarini taqdim etishdi. Ularga ko‘ra, davlat xizmatlarini raqamlashtirish darajasi 70 foizga yetkaziladi, IT xizmatlar bozori hajmi 100 trillion so‘mgacha oshirilishi kutilmoqda.
Kelasi yili elektron hukumat indeksida mamlakat 63-o‘rindan 55-o‘ringa ko‘tarilishi rejalashtirilgan. Shuningdek, taqdimotda O‘zbekistonda ishlash uchun relokantlarga yaratilgan imtiyozlar hamda hududlarda xorijiy kompaniyalar uchun qulay sharoitlar yaratish muhimligi ta’kidlandi.
Bu chora-tadbirlar mamlakatning IT sohasini yanada rivojlantirishga xizmat qiladi.
