O‘zini o‘zi band qilganlarga soliq majburiyati joriy etildi

O‘zbekistonda o‘zini o‘zi band qilgan shaxslar bilan hamkorlik qiluvchi kompaniyalar yillik daromadi 100 million so‘mdan oshganda, ular uchun soliq to‘lash majburiyati joriy etildi. Bu haqida Zamin.uz xabar berdi.

Bu haqda Soliq qo‘mitasi tomonidan qabul qilingan qaror asosida ma’lumot berildi. Yandex Uzbekistan soliq tizimi bilan texnik integratsiyani muvaffaqiyatli yakunlaganini ma’lum qildi.

Endilikda, 2 iyuldan boshlab Yandex Go servisidagi hamkor haydovchi va kuryerlarning daromadidan soliq avtomatik tarzda ushlab qolinadi. Soliq ushlab qolish majburiyatiga ega bo‘lgan shaxslar haqidagi ma’lumotlar bevosita soliq organlaridan olinadi.

Yechib olingan barcha summalar Yandex Pro ilovasida ko‘rinadi va soliq to‘lovchilarga tegishli idoralar tomonidan batafsil ma’lumot taqdim etiladi. Ushbu yangi tizim o‘zini o‘zi band qilganlar uchun soliq jarayonini soddalashtiradi hamda hisob-kitobdagi xatoliklar xavfini kamaytirishga xizmat qiladi.

Shunday qilib, soliq to‘lov jarayoni yanada shaffof va qulay bo‘ladi.