O‘zbekistonda, xususan Toshkent shahrida jamoat transporti uchun qulaylik va xavfsizlikni oshirishga qaratilgan innovatsion yechimlar joriy etilmoqda. Bu haqida Zamin.uz xabar berdi.
Shahar transport tizimini modernizatsiya qilish doirasida yirik infratuzilma loyihalari amalga oshirilmoqda.
Xitoydan jalb qilingan 300 million dollar mablag‘ evaziga 200 kilometr yo‘l ta’mirlanadi va to‘rtta yangi ko‘prik quriladi. Ushbu tashabbuslar natijasida shahar yo‘l tarmog‘i sezilarli darajada yaxshilanadi.
Bundan tashqari, intellektual transport axborot tizimi ishga tushirilmoqda. Ushbu tizim Toshkentdagi 700 dan ortiq chorrahani yagona platformaga birlashtiradi.
Shuningdek, barcha svetoforlar, foto va video kuzatuv kameralari yagona tizim orqali boshqariladi. Svetoforlar real vaqt rejimida harakat oqimiga mos ravishda masofadan boshqariladi.
Mutaxassislarning hisob-kitoblariga ko‘ra, bu tizim yo‘l tirbandliklarini 25-30 foizga kamaytirishga yordam beradi. Ushbu chora-tadbirlar yo‘l infratuzilmasining samaradorligini oshirish va shahardagi harakat qulayligini yaxshilashga xizmat qiladi.
Toshkentda yo‘l infratuzilmasi va transport tizimi yangilanmoqda
👍 0❤️ 0😂 0😢 0😡 0
