Manchester Yunayted yozda Maguayrni sotmaydi
«Manchester Yunayted» yozgi transfer oynasida sarflangan mablag‘larni muvozanatlash maqsadida bir nechta futbolchilarni sotishga majbur bo‘lmoqda. Bu haqida Euro-football.ru xabar berdi.
Football Insider ma’lumotlariga ko‘ra, jamoada yaqin vaqt ichida tarkibni tark etmaydigan futbolchi bor. Manbaga ko‘ra, «Manchester Yunayted» markaziy himoyachi Garri Maguayrni sotishni rejalashtirmayapti.
Jamoa bosh murabbiyi Ruben Amorim uning o‘yinidan to‘liq qoniqmoqda. Shuningdek, Manchester jamoasi transfer oynasining qolgan vaqtida himoyachilarni sotib olishni ham ko‘zlamayapti.
Ushbu yozda ingliz klubi Maguayr uchun bir nechta takliflarni rad etdi. O‘tgan mavsumda 32 yoshli himoyachi barcha musobaqalarda jami 40 o‘yinda maydonga tushib, to‘rtta gol urdi va bitta golli uzatma amalga oshirdi.
Uning klub bilan shartnomasi bir yil ichida yakunlanadi.
