Bavariya jamoasining hujumchisi Garri Keyn Germaniya Superkubogi doirasidagi Stuttgart jamoasiga qarshi o‘yinda jamoasiga g‘alaba qozonishda yordam berdi. Bu haqida Euro-football.ru xabar berdi.
Uchrashuv 2:1 hisobida yakunlandi. Ingliz futbolchisi o‘yinning 18-daqiqasida hisobni ochdi, 77-daqiqada esa Luis Dias Myunxen jamoasining ustunligini ikki barobar oshirdi.
Stuttgart jamoasi esa o‘yin so‘ngida kompensatsiya vaqtida Jeymi Levelingning goli bilan javob qaytardi. Bu Garri Keyn uchun professional faoliyatidagi ikkinchi jamoaviy sovrin hisoblanadi.
Birinchi sovrin ham Bavariya jamoasi tarkibida, bahorda Germaniya Bundesligasida g‘olib bo‘lgan paytda qo‘lga kiritilgan edi. Ingliz futbolchisi 2023-yil yozidan beri Germaniyaning kuchli klubi hisoblangan Bavariya sharafini himoya qilmoqda.
Avval u Tottenxem jamoasida o‘ynagan. 2023-yil iyul oyida yulduz hujumchi 32 yoshga to‘ldi.
