«Manchester Siti» bosh murabbiyi Xosep Gvardiola jamoada ko‘p o‘yinchilar borligi uni quvontirmasligini tan oldi. Bu haqida Euro-football.ru xabar berdi.
Ispaniyalik mutaxassisning so‘zlariga ko‘ra, ba’zi yetakchilar na boshlang‘ich tarkibga, na ro‘yxatga kiritilmayotgan sharoitda sog‘lom raqobatni ta’minlash qiyin. Gvardiola aytganidek, barcha musobaqalar uchun zaxira o‘yinchilar mavjud bo‘lishi yaxshi, biroq tarkibdan tashqarida qoladiganlar bo‘lishini istamaydi, chunki bunday vaziyatda jamoada sog‘lom raqobat va kurash ruhini yaratish mushkul.
Pep birinchi turda turli sabablar bilan Rodri, Fil Foden, Ilkay Gyundogan va boshqa o‘yinchilarning xizmatlaridan foydalana olmaganini eslatdi. Murabbiy jamoa tarkibini qisqartirish masalasini hal qilishini qo‘shimcha qildi.
Angliya Premer Ligasi birinchi turida «Siti» safarda «Vulverxempton»ni 4:0 hisobida mag‘lub etdi.
