Messi MLSda so‘nggi 9 o‘yinda 20 golga ta’sir ko‘rsatdi

Inter Mayami jamoasining hujumchisi Lionel Messi MLS musobaqalarida raqiblarini qayta-qayta ranjitmoqda. Bu haqida Euro-football.ru xabar berdi.

Yakshanba kuni 38 yoshli futbolchi jarohatdan so‘ng maydonga qaytdi va Los-Anjeles Galaksi jamoasi bilan o‘yinining ikkinchi bo‘limidan avval zaxiradan maydonga tushdi. Faqatgina 45 daqiqa o‘ynab, Messi o‘yinning yakuniy natijasini hal qildi.

U 84-daqiqada g‘alaba golini urdi va 88-daqiqada Luis Suarezga assistentlik qildi. Messi MLSda 19 ta o‘yinda 19 ta gol bilan yakka tartibda to‘purarlar ro‘yxatida yetakchilik qilmoqda.

Shuningdek, u o‘z hisobiga o‘n ta gol pasini yozdirgan. So‘nggi to‘qqizta o‘yinda Messi jamoasining 20 ta golida bevosita ishtirok etdi.

Ulardan 14 tasini o‘zi urgan bo‘lsa, olti marotaba jamoadoshtlariga assistentlik qilgan. Uning maydondagi faoliyati jamoasining muvaffaqiyatiga katta hissa qo‘shmoqda va u MLSning eng samarali futbolchilaridan biri sifatida tan olinmoqda.