Artur Melo «Gremio»ga qaytishga yaqin turibdi
«Yuventus» jamoasining yarim himoyachisi Artur Melo yaqin orada vatani Braziliyaga qaytishi mumkin. Bu haqida Euro-football.ru xabar berdi.
U uzoq vaqtdan buyon «Eski sinyora» jamoasining rejalariga kirmayapti, shuning uchun Turin klubi uni boshqa jamoaga hech qanday qiyinchiliksiz yuborishga tayyor. Mashhur jurnalist Mario Godoyning xabariga ko‘ra, yarim himoyachi faoliyatini boshlagan «Gremio» klubiga qaytishga yaqin turibdi.
Agar hammasi reja bo‘yicha amalga oshsa, 29 yoshli futbolchi yaqin kunlarda yangi shartnoma imzolaydi. Artur Melo 2018 yilda «Gremio»dan ketgan edi.
O‘sha paytda uning transferi uchun «Barselona» 30 million yevodan ortiq mablag‘ to‘lagan. Ikki yil o‘tgach, futbolchi 80 million yevro evaziga «Yuventus»ga sotildi, biroq o‘zini to‘liq namoyon eta olmadi.
O‘tgan mavsumning ikkinchi yarmida yarim himoyachi ijarada «Jirona» klubida o‘ynadi. Endi esa u o‘z faoliyatini boshlagan klubiga qaytib, yangi imkoniyatlarni qo‘lga kiritmoqchi.
