Darvozabon Ederson Shanba kuni bo‘lib o‘tgan "Manchester Siti" va "Vulverxempton" o‘rtasidagi o‘yinda jamoa tarkibiga kiritilmadi. Bu haqida Euro-football.ru xabar berdi.
Uning maydondan chetda qolishi Braziliyalik futbolchining Turkiyaning "Galatasaroy" klubiga o‘tishi mumkinligi bilan bog‘liq ekani taxmin qilinmoqda. "Galatasaroy" ushbu futbolchiga jiddiy qiziqish bildirayotgani ma’lum.
Biroq, "Manchester Siti" bosh murabbiyi Xosep Gvardiola matbuot anjumanida Edersonning yo‘qligini oshqozon bilan bog‘liq muammolar bilan izohladi. Bu bayonotdan so‘ng Gvardiola ijtimoiy tarmoqlarda tanqid ostiga olindi.
Goal portali muxlislarning fikrlarini jamlab, ular Gvardiolani yolg‘onchilikda ayblashganini ma’lum qildi. Ularning fikricha, Ederson jamoani tez orada tark etishi sababli uning nomi ro‘yxatga kiritilmagan.
O‘yinda "Manchester Siti" "Vulverxempton"ni 4:0 hisobida mag‘lub etdi.
