Garri Keyn Bavariya bilan Germaniya Superkubogini yutdi
Bavariya jamoasining yulduz hujumchisi Garri Keyn ijtimoiy tarmoqlarda sovrin bilan tushgan suratini e’lon qildi. Bu haqida Euro-football.ru xabar berdi.
Shanba kuni Myunxenliklar Germaniya Superkubogini qo‘lga kiritishdi. Vensan Kompani boshchiligidagi jamoa Stutgartni 2:1 hisobida mag‘lub etdi.
Keyn o‘z postida «Mavsumdagi birinchi sovrin. Sovrinlar vaqti!» deb yozdi.
Garri Keyn uchun Germaniya Superkubogi faoliyatidagi ikkinchi yirik sovrin hisoblanadi. Uning birinchi yirik g‘alabasi shu yil bahorda bo‘lib o‘tgan bo‘lib, o‘sha paytda Bavariya Bundesligani yutgan edi.
Keyn Bavariya safida jami 97 rasmiy o‘yinda maydonga tushib, 86 ta gol urdi va 26 ta golli uzatma berdi. Uning jamoaga qo‘shgan hissasi katta bo‘lib, u hujumdagi asosiy o‘yinchilardan biri hisoblanadi.
Bavariya jamoasi Keyn bilan yanada kuchli o‘yin ko‘rsatmoqda va kelgusi mavsumlarda ham yirik sovrinlarga da’vogar bo‘lishni maqsad qilgan.
