Timber yozda ko‘p sayohat qilib, klubdan ogohlantirildi

Arsenal jamoasi himoyachisi Yurrien Timber operatsiyadan keyingi davrni tiklanish bilan birga ta’tilni qanday o‘tkazgani haqida so‘zlab berdi. Bu haqida Euro-football.ru xabar berdi.

U so‘nggi mavsum oxirida to‘pig‘ida uzoq vaqt bezovta qilgan muammoni bartaraf etish uchun jarrohlik amaliyoti o‘tkazilganini aytdi. Hozirda o‘zini yaxshi his qilayotganini ta’kidladi.

Yozda u joyida o‘tirib qolmay, jismoniy holatini yaxshilash maqsadida ko‘plab qiziqarli joylarga safar qilgan. Shu bilan birga tiklanish jarayonini ham davom ettirgan.

Timber o‘zining onasi tug‘ilgan Kurasao va Turkiyaga tashrif buyurganini, shuningdek, Mayami va Marbelya kabi joylarda ham bo‘lganini ma’lum qildi. Bundan tashqari, Osiyoda ham vaqt o‘tkazgan.

Safar davomida klub vakili ham hamroh bo‘lgan. Unga boshqa safarlar ham taklif qilingan, ammo klub bularni ortiqcha deb hisoblagan.

Birinchi turda Arsenal jamoasi Premer-ligada Manchester Yunaytedga qarshi safarda o‘yin o‘tkazadi. Ushbu o‘yin 17 avgust kuni bo‘lib o‘tadi.