Arteta: Dyokereshning debyut o‘yini umidli bo‘ldi
«Arsenal» jamoasining bosh murabbiyi Mikel Arteta «kanonirlar» safida debyut o‘yinini o‘tkazgan hujumchi Viktor Dyokereshning o‘yinini baholadi. Bu haqida Euro-football.ru xabar berdi.
Unga ko‘ra, bugungi o‘yinda Dyokeresh maydonda ko‘plab foydali harakatlarni amalga oshirdi va bu holat murabbiyni xursand qildi. Artetaning ta’kidlashicha, jamoaning yuqori bosimi va talab qilinayotgan ritmga qarab, hali rivojlanish uchun ko‘p ishlar qilish kerak.
«Manchester»ga safar qilib, mavsumning birinchi o‘yinida g‘alaba qozonish juda yaxshi boshlanish bo‘ldi, dedi u. Angliya Premer Ligasi birinchi turidan o‘rin olgan ushbu uchrashuv «Arsenal»ning «Manchester Yunayted» ustidan 1:0 hisobida g‘alabasi bilan yakunlandi.
Yagona golni Rikardo Kalafiori kiritdi. Dyokeresh maydonda 60 daqiqa harakat qildi, ammo gol yoki assist bilan o‘zini ko‘rsata olmadi.
Shuningdek, u «Arsenal»dagi birinchi o‘yinida biror marta ham darvozaga zarba yo‘llamadi. Umuman olganda, yangi futbolchi jamoaga moslashayotganini ko‘rsatdi va kelajakda yanada samarali o‘yinlar kutish mumkinligini ta’kidladi.
