«Yuventus» jamoasining yarim himoyachisi Manuel Lokatelli faoliyatini Saudiya Arabistonida davom ettirish imkoniyatiga ega. Bu haqida Euro-football.ru xabar berdi.
Oldinroq ma’lum qilinishicha, «Al-Ahli» klubi 27 yoshli futbolchi uchun «eski sinyora»ga 25 million yevro taklif qilgan, biroq rad javobini olgan. Jurnalist Nikolo Skira ma’lumotlariga ko‘ra, Turin jamoasi yarim himoyachini faqat 35 million yevrodan yuqori taklif kelganda sotishni ko‘rib chiqadi.
Manbaga ko‘ra, Saudiya klubi italiyalik futbolchiga yillik 10 million yevro maosh to‘lashga tayyor, shuningdek, 2 million yevro bonus ham beriladi. Bu hozirgi maoshidan uch- to‘rt barobar ko‘pdir.
Manuel Lokatelli bilan «Yuventus» o‘rtasidagi shartnoma 2028 yilgacha amal qiladi. Shu bois, futbolchining kelajagi jamoa va takliflar asosida aniqlanadi.
