Angliyada birinchi marta futbol klubining bosh murabbiyi sifatida hindistonlik millat vakili sikx tayinlandi. Bu haqida Euro-football.ru xabar berdi.
Bu mamlakat asrlar davomida Angliya mustamlakasi bo‘lgan va hozirgi kunda ham ular bilan yaqin aloqalarni saqlab kelmoqda. Gap Ashvir Singh Johal haqida ketmoqda.
U Angliyaning beshinchi kuchli ligasida o‘ynovchi "Morekambe" klubiga murabbiylik shartnomasini imzoladi. Ashvir o‘z sohasida tajribali mutaxassis hisoblanadi.
U o‘tgan o‘n yil davomida "Lester" klubining bolalar akademiyasida faoliyat yuritgan. 2022 yilda esa Angliyaning Chempionship ligasida o‘ynagan "Uigan" klubida Kolo Turega yordamchi murabbiy sifatida ishlagan.
Yangi klubda u Derek Adams o‘rnini egallaydi. Murabbiy almashinuvi klub egalari o‘zgarishi bilan bog‘liq.
Endilikda klubni Panjab Warriors nomli ishbilarmonlar konsorsiumi boshqaradi. Ularning ham Hindistondan ekanligi aniq.
Bu o‘zgarishlar "Morekambe" klubining kelajakdagi rivojlanishiga ijobiy ta’sir ko‘rsatishi kutilmoqda.
