Mashhur insayder Fabrizio Romano ijtimoiy tarmoqlarda hujumchi Rasmus Hyolunnaning kelajagi haqida yangi ma’lumot berdi. Bu haqida Euro-football.ru xabar berdi.
Romanoning xabariga ko‘ra, barcha tomonlar daniyalik futbolchini Manchester Yunayteddan Napoli klubiga o‘tishi bo‘yicha kelishib olishgan. Napoli Hyolunnani 6 million yevro evaziga ijaraga oladi.
Shartnomada 44 million yevroga sotib olish opsiyasi ko‘zda tutilgan. Ma’lum shartlar bajarilganda, ushbu opsiya majburiyga aylanishi mumkin.
Keyingi 24 soat ichida Rasmus Hyolunn tibbiy ko‘rikdan o‘tadi. Agar salomatligida muammo topilmasa, transfer rasmiy tarzda e’lon qilinadi.
Manchester Yunayted safida Hyolunn 95 ta o‘yinda maydonga tushib, 26 ta gol urgan va 6 ta golga uzatma bergan. Ushbu transfer futbolchining faoliyatida yangi bosqich bo‘lishi kutilmoqda.
Napoli jamoasi uchun u muhim kuch bo‘lishi taxmin qilinmoqda.
