Nkunku: Menyan mening «Milan»ga o‘tganimdan xursand
Yangi qo‘shilgan futbolchi Kristofer Nkunku vatandoshi Mayk Menyan haqida fikr bildirdi. Bu haqida Euro-football.ru xabar berdi.
27 yoshli hujumchi «Chelsi» klubidan «Milan» jamoasiga o‘tdi. Transfer rasmiy ravishda shanba kuni tasdiqlandi va uning qiymati 37 million yevroga baholangan.
Nkunku MilanTV bilan suhbatda shunday dedi: «Men Menyanni ko‘p yillardan beri taniman. Biz yozishib turardik va u mening nihoyat «Milan»ga o‘tganimni eshitib juda xursand bo‘ldi.
Bizning xarakterlarimiz o‘xshash – biz juda intiluvchanmiz. U mening yaxshi do‘stim va men uning bilan bir jamoada o‘ynashdan mamnunman».
Fransuz hujumchisining Italiya klubi bilan shartnomasi 2030 yilgacha mo‘ljallangan. U «Chelsi» safida ikki yil davomida o‘ynadi.
