Milan jamoasining asosiy ikki transfer maqsadi aniqlandi
Milan jamoasi transfer oynasi yopilishidan oldin yana bir nechta shartnomalarni amalga oshirishni rejalashtirmoqda. Bu haqida Euro-football.ru xabar berdi.
Mashhur jurnalist Matteo Moretto ma’lumotlariga ko‘ra, “rossoneri”ning ikki asosiy maqsadi yangi markaziy himoyachi va “Marsel” klubi yarim himoyachisi Adrien Rabio bilan shartnoma imzolashdir. Fransuz futbolchisi uchun “Provanse” klubi 15 million yevro so‘ramoqda.
Shuningdek, Milan Rabioning onasi bilan aloqada bo‘lib, u futbolchining agenti sifatida ham faoliyat yuritadi. Tomonlar kelajakdagi hamkorlik shartlarini muhokama qilmoqda.
Eslatib o‘tamiz, “Marsel” Adrien Rabioni klubdagi jamoadoshi Jonatan Rou bilan kelishmovchilik yuzaga kelgach sotuvga qo‘ygan edi. Jonatan Rou esa allaqachon “Bolonya” klubiga sotilgan.
Milan jamoasi ushbu transferlarni amalga oshirish orqali jamoani kuchaytirishni maqsad qilgan.
