Ayaks Bryayan Brobbini Sanderlendga sotadi
Niderlandning “Ayaks” klubi hujumchi Bryayan Brobbini Angliyaning “Sanderlend” klubiga sotadi. Bu haqida Euro-football.ru xabar berdi.
Bu haqda Telegraaf portali xabar berdi. Manbaning ma’lumotlariga ko‘ra, “Ayaks” ushbu transferdan 20 million yevro oladi, shuningdek, 5 million yevrogacha bonus sifatida berilishi mumkin.
“Sanderlend” esa futbolchiga o‘ziga ma’qul keladigan shartnoma taklif qilishi lozim. Brobbi shanba kuni “Volendam”ga qarshi o‘tkazilgan o‘yinda maydonga tushmadi, chunki murabbiy uning o‘yinga to‘liq e’tibor qaratolmasligini hisobga oldi.
Brobbi transfer oynasining boshida “Ayaks”ni tark etishi mumkin edi, ammo dastlab u “Komo” klubining taklifini rad etdi, keyin esa “Ren” va “Lill” klublariga o‘tishni xohlamadi. Shuningdek, “Fulxem” klubi Brobbini faqat ijaraga olishni istagani sababli bu variant ham amalga oshmadi.
23 yoshli Brobbi “Ayaks” akademiyasida tarbiyalangan. U jamoa safida 163 ta o‘yinda maydonga tushib, 56 ta gol urgan va 24 ta golga uzatma bergan.
Niderland terma jamoasi safida esa 8 ta o‘yinda qatnashib, 1 ta gol muallifi bo‘lgan.
