Harder Portugaliyadan Germaniyaga o‘tdi
Daniyalik hujumchi Konrad Harder Portugaliyaning "Sporting" klubidan Germaniyaning "RB Leyptsig" klubiga o‘tadi. Bu haqida Euro-football.ru xabar berdi.
Bu haqda jurnalist Fabrizio Romano o‘zining ijtimoiy tarmoqlardagi sahifalarida ma’lum qildi. Manba ma’lumotlariga ko‘ra, transfer summasi 26 million yevroni tashkil etadi.
Futbolchi allaqachon Germaniyaga kelib, tibbiy ko‘rikdan o‘tmoqda. Oldinroq 20 yoshli futbolchini "Milan" va "Chelsi" klublari ham o‘z safiga qo‘shib olish imkoniyatini ko‘rib chiqqan edi.
Harder 2024 yildan buyon "Sporting" jamoasida o‘ynab kelmoqda. U "Norshellan" klubidan 19 million yevro evaziga transfer qilingan.
"Sporting" safida u 52 ta o‘yinda maydonga tushib, 12 ta gol urgan va 7 ta golga uzatma bergan. Uning o‘yini jamoa uchun muhim hisoblanadi va yangi klubida ham yuqori natijalarga erishishi kutilmoqda.
