Fermin Lopes Barselonada qolishga qaror qildi
Yozgi transfer oynasi yopilishidan oldin yarim himoyachi Fermin Lopes kelajagi borasida yakuniy qaror qabul qildi. Bu haqida Euro-football.ru xabar berdi.
Mundo Deportivo nashrining xabariga ko‘ra, 22 yoshli Lopes "Barselona"da qolishga qaror qilgan. Manba ma’lum qilishicha, "Chelsi" klubining jiddiy qiziqishi fonida Lopesda ikkilanqlar bo‘lgan.
Biroq Fermin xavfga qo‘l urmay, "Barselona"dan Londonga transfer so‘ramaslikka qaror qilgan. "Barselona" klubida Fermin Lopesning transferi bo‘yicha variant ko‘rib chiqilmagan.
Shuningdek, "Chelsi" klubi tomonidan taklif qilingan 40 million yevro va bonuslar miqdori bozor qiymatidan past hisoblangan. Agar Lopes klubdan ketishni so‘raganida, "ko‘k-bordo" jamoasi muzokaralarga tayyor bo‘lardi.
Ammo bunday holat yuz bermadi. Shu tariqa, yarim himoyachi o‘z faoliyatini "Barselona"da davom ettiradi va yozgi transfer oynasi yopilishidan oldin jamoada qolish borasida aniq qarorga keldi.
Bu qaror futbolchi va klub uchun muhim ahamiyatga ega bo‘lib, kelgusida jamoaning kuchayishiga xizmat qiladi.
