Braziliya terma jamoasining asosiy hujumchisi Neymar sentyabr oyidagi yig‘inga chaqirilmagan. Bu haqida Euro-football.ru xabar berdi.
Terma jamoa bosh murabbiyi Karlo Anchelotti Neymarning jamoadan chetlatilishiga uning sog‘lig‘idagi muammolar sabab bo‘lganini aytdi. Biroq futbolchi murabbiy fikriga qarshi chiqdi.
Neymarning so‘zlariga ko‘ra, uning oyoq mushagida shish bor edi, lekin bu jiddiy muammo emas edi va u o‘sha kuni o‘yinda maydonga tushgan. U Braziliya terma jamoasiga chaqirilmasligining texnik sabablar bilan bog‘liq deb hisoblaydi va bu holat uning jismoniy holati bilan bog‘liq emasligini ta’kidladi.
Braziliya terma jamoasi 2026 yilgi Jahon chempionatiga yo‘l olgan. Mazkur musobaqa AQSh, Kanada va Meksika davlatlarida o‘tkaziladi.
Terma jamoa jahon chempionatida muvaffaqiyatli ishtirok etishga tayyorgarlik ko‘rmoqda.
